கடந்து செல்லும் எதிர்மறைகள் - 2

ஆழமாக, மிக ஆழமாகச்சென்று,
இல்லை, மூழ்கிக் கொண்டிருந்தேன்..
பதைபதைத்தது..
சற்று தூரத்தில் மீன்கள்
துள்ளி எழும்பின, தரையில்..

எதிர்ப்பட்டவரை மிதித்தும், ஓடியும்
எஃகிப் போன கால்கள்,
சினந்தெறிக்கும் கண்கள், ஓடியதால்
அழகுற்ற பிடரி மயிர்,
எல்லை அய்யனாரின் குதிரை..

வீழ்ந்தெழுந்தேன் வீழ்ந்தெழுந்தேன்
நானென்ன ஃபீனிக்ஸ் பறவையா?
அகமோ புறமோ?
எதுவாயினும் வீழ்ந்தெழுந்தேன்..
வீழ்ந்தாலும் எழுவேன்..
வீழ்த்தினாலும்..